Detaje të reja janë zbardhur rreth zhdukjes së biznesmenit italian në Shqipëri, Davide Pecoreli. Hetimet e kryera në Tiranë kanë zbuluar se kockat e gjetura brenda makinës ‘Skoda’ janë kocka njerëzore, shkruan La Nazione.
Megjithatë, mbetet jo e qartë pasi në mjet është gjetur vetëm 5% e trupit, kështu që misteri është akoma i pranishëm. Brenda makinës, hetuesit gjetën gjithashtu disa objekte që i përkisnin 45-vjeçarit si telefoni celular dhe ora.
Vlen të theksohet fakti se prokurori shqiptar, i cili ndoqi hetimin nga fillimi është i infektuar me Covid e duhet të respektojë karantinën deri ditën e hënë.
Pecoreli kishte mbëritur në Shqipëri, me qëllim studimin e tregut të paisjeve kozmetike, ku edhe pretendonte se do të arrinte një marrëveshje të madhe.
Pas mbërritjes në ditët e para të janarit intenerari i tij mësohet se ka qenë Rinas, Vlorë, Shkodër dhe më pas në Pukë, aty ku dhe është gjetur e djegur makina tip “Skoda”, të cilën italiani Pecorelli e kishte marë me qera në aeroport.
