Instituti Kombëtar i Shëndetësisë Publike në Kosovë, (IKSHPK) ka njoftuar se gjatë 24 orëve të fundit 11 pacientë me koronavirus kanë humbur jetën dhe janë regjistruar 720 infektime të reja.
Ky institut ka kryer 1,599 testime brenda 24 orëve.
“Rastet e vdekjes janë nga komunat: Prizren 4 raste (81, 79, 72, 72 vjeç), Istog 1 rast (51 vjeç), Klinë 1 rast (63 vjeç), Mamushë 1 rast (31 vjeç), Mitrovicë 1 rast (84 vjeç), Pejë 1 rast (70 vjeç), Prishtinë 1 rast (76 vjeç), Viti 1 rast (74 vjeç)”, thuhet në njoftimin e IKSHPK-së.
Që nga 13 marsi, kur në Kosovë janë shënuar rastet e para me koronavirus, 860 kanë vdekur dhe 31,215 janë infektuar.
