Policia e Tiranës ka vënë në pranga mbrëmjen e djeshme shtetasin Lajden Kadilli.
27-vjeçari akuzohet për “vrasje e mbetur në tentative” ndaj shtetasit Gentian Rrahmani.
Vendimi për shpalljen në kërkim të Kadillit është marrë në datën 24 korrik 2019 nga gjyqtari Altin Abdiu, pasi prokuroria e Tiranës e akuzon 27-veçarin për “Vrasje me paramendim” mbetur në tentativë në dëm të shtetasin Gentian Rrahmanit dhe “Mbajtjes pa lejë të armëve luftarake dhe municionit”.
Ai u arrestua në zonën e pallatit me shigjeta në Tiranë, pasi u konstatua se kishte armë zjarri tip pistoletë me fishek.
27-vjeçari është shoqëruar në Komisariatin e Policisë Nr. 2 dhe nga verifikimi i kryer ka rezultuar se ky shtetas ishte person i shpallur në kërkim, pasi Prokuroria e Rrethit Gjyqësor Tiranë ka dërguar urdhrin për ekzekutimin e vendimit të Gjykatës së Rrethit Gjyqësor Tiranë, e cila i ka caktuar masën e sigurisë “Arrest në burg”, për veprat penale “Vrasja me paramendim” dhe “Armëmbajtje pa leje”.
Lajden Kadilli është një personazh mjaft i lakuar në botën e krimit në Durrës.
Ai ka qenë në kërkim edhe më herët teksa kanosi me armë djalin e deputetit të PS në Durrës Spartak Braho, Kreshnik Braho.
Ndaj këtij shtetasi Prokuroria e Rrethit Gjyqësor Durrës ka dërguar për ekzekutim urdhër-ndalimin në mungesë, për veprat penale “Kanosja”, “Shkatërrim i pronës”, “Kundërshtim i punonjësit të policisë së rendit publik”, “Mosbindje ndaj urdhrit të punonjësit të policisë të rendit publik” dhe “Armëmbajtje pa leje”.
