Arbër Çekaj, pronari i kompanisë “Arbri Garden”, i akuzuar për trafik drogë pas kapjes së 613 kilogramëve kokainë në Durrës, ka thyer heshtjen, duke folur për herë të parë për News 24, në një lidhje telefonike.
Çekaj u shpreh se po spekulohet shumë në media, ndërsa ka mohuar të ketë porositur drogën. Ai tha se është nisur për në Shqipëri, duke mos dhënë datë të saktë dhe se do të dorëzohet për t’u hetuar deri në fund. Sipas Çekajt, ai është një biznesmen modest dhe se nuk ka asnjë lidhje me drogën, ndërsa ironizoi mediet dhe palët politike, teksa tha se kjo “nuk ka fare lidhje me peshkun”.
Prononcimi i Arbër Çekajt:
Jam në një situatë të pafavorshme se nuk ka asnjë lidhje as me kompaninë time dhe as me familjen time. Ka shumë spekulime në media, do vij në Shqipëri shumë shpejt, do shkoj te organet përkatëse në Prokurori.
Që nga viti 2012 S’kam asnjë lidhje me drogën e kapur, po spekulohet shumë në media kush ka porosit drogën. Arbër Çekaj është një biznesmen modest dhe ka porosit dhe porosit çdo javë fruta nga Ekuadori apo Argjentina, s’ka asnjë lidhje me drogën, ky është spekulim.
Nqs do futeshin të gjithë në burg pronarët e kompanive sa herë është kapur drogë në kontejnerë, sdo kishim frut për të shitur. Unë e kam një kontratë me një nga firmat më serioze në Kolumbi. Kontejnerët s’kanë lidhje fare me Arbri Garden. Atje asnjë person nuk është kap në flagrancë. Është shkarkuar kontejneri, e kanë lënë me prit me orë të tëra Lushajn, i cili thjesht ka shkuar të marrë ngarkesën. Kontejneri ndalon maksimumi 20-30 minuta e më pas largohet. Kontejneri nuk është i Arbri Garden.
Porosis 4-16 milion arka banane në javë. Unë nuk jam arratisur, kam ikur nga Shqipëria. Jetoj aty, arsyeja ishte thjesht familjare.
Shkoj shpesh në Gjermani nga Prishtina, sepse andej janë biletat më lirë. Do të vij nga e njëjta linjë, pra nga Prishtina. Kam gjetur një avokat gjerman, e vërteta do të dalë shumë shpejt. TIRANA TODAY
