Një foto e Salianjit në një kafene me ish-ministrin Ahmetaj u bë virale në rrjet, e sigurisht të shumta kanë qenë akuzat e qytetarëve ndaj politikanëve, që para kamerave ofendohen e bëhen copë-copë e nga ana tjetër, ulen bashkë për kafe a për dreka.
Kjo duket se ka shtyrë Salianjin të ‘shfajësohet’ disi për atë që realisht ka ndodhur, duke u detyruar të nxjerrë pamjet e kameras së lokalit ku kanë qenë ulur, për të treguar se takimi mes tyre ishte i rastësishëm.
Videot tregojnë dhe oraret kur kanë hyrë e kanë dalë dhe kur janë shkëmbyer dy deputetët dhe që ata kanë drekuar në dy tavolina të ndryshme dhe për shkak të gazetarit Ed Manushi si një mik i te dyve, janë shkëmbyer pak minuta edhe dy deputetët e opozitës dhe maxhorancës.
Sipas pamjeve duket qe Salianji hyn në orën 13.13 në bar dhe takon gazetarin Ed Manushi dhe drekon me të për më shumë se një orë.
Në orën 13.34 në kamera shihet kur hyn deputeti Ahmetaj i cili ulet në një tavolinë me botuesen Dudaj e cila mund të dallohej nga kamerat dhe dy të njohur të tjerë dhe drekon me ta mbi një orë.
Në orën 14:24 duket që deputeti Ahmetaj shkon në tavolinën e gazetarit Manushi dhe takohet me të dhe deputetin Salianji.
Në orën 14:30 deputeti Salianji është në daljen e barit.
Në orën 14:30 gazetari Ed Manushi dhe deputeti Ahmetaj tashmë po qëndrojnë në tavolinë bashkë me gazetaren e emisionit “E Diell”.
Nga fotot shihet se koha që dy deputetët kanë qenë bashkë duket se është vetëm 5 minuta, kohë e një përshëndetje vetëm për etikë.
