Një grup shqiptarësh pasi i kërcënonin dhe i dhunonin, kanë shfrytëzuar për prostitucion vajza të reja pasi i merrnin në Itali. Ata i merrnin nën pretendimin se do t’i ndihmonin për t’i punësuar si bariste. Ky ishte premtimi i bërë nga ana e shqiptarëve për pesëmbëdhjetë vajza të huaja, përfshirë dhe shqiptare, por më pas të detyruar nga torturuesit e tyre të dalin në rrugë dhe të punonin si prostituta. Tutorët i dërgonin në kampe të caktuara si dhe në rrugë ku ata dalin për të kërkuar klientët e tyre. Kjo ishte një bandë shumë e madhe, e menaxhuar nga pesë shtetas shqiptarë që ka çmontuar policia në Rivoli, shkruan torino.diariodelweb.it.
BANDA
Hetimet kanë zbuluar se si u organizua grupi në të cilin të gjithë kishin një detyrë të paracaktuar: kishte nga ata që u kujdeseshin për rekrutimin e vajzave, dhe ata që kontrollonin lëvizjet e tyre. Të pesë shfrytëzuesit, burrat shqiptarë të moshës 30 deri 32 vjeç, u arrestuan nën akuzat për shfrytëzim prostitucion dhe imigrim ilegal.
PROSTITUCIONI
Rreth 15 vajza që shfrytëzoheshin ishin nga Shqipëria, ndërsa te tjerat ishin, rumune dhe moldave. Ata u detyruan të prostituonin në zonat e Rivoli, Grugliasko dhe Torino dhe qëndronin nëpër kampe.
Pas denoncimeve të bëra nga ana e qytetarëve të mërzitur nga prania e kampeve të prostitutave nëpër rrugë, filluar hetimet. Vajzat, të gjitha shumë të reja, që hyjnë në Itali duke u mashtruar nga ana e shqiptarëve duke u thënë se do të punësoheshin si bariste, pastaj ata i detyruan të prostituojnë me fyerje, kërcënime dhe rrahje. Vajzat kontrolloheshin nga tutorët, në çdo lëvizje që ata bënin. Disa prej tyre në polici kanë treguar se do donin të ishte goditur më parë grupi dhe kurthi i ngritur, por të frikësuara nga tutorët dhe nga frika e hakmarrjes, kishin zbatuar urdhrat e tyre. TIRANA TODAY
