Në hapat e McGregor, Marku projekton rikthimin e madh në … boks

Florian Marku është njeriu i momentit në Shqipëri, ai është i pamposhtur në MMA dhe pas çdo fitoreje ka ngritur flamurin kuqezi. Marku ka shprehur gjithmonë dëshirën që të ecë në hapat e Conor McGregor dhe që një ditë të ketë shansin që të përballet me të. Pas fitores së fundit ai është duke endua sërish rikthimin në ring, por këtë herë jo në botën e MMA, por në atë të boksit, teksa ka planifikuar të bëj debutimin e tij në dhjetor.

Ndeshja do të zhvillohet në kryeqytetin e Anglisë, “Londër”. Për kundërshtarin momentalisht nuk ka asnjë informacion se kush do të jetë, por shumë shpejt mund të ketë më shumë informacion.

Të njëjtën gjë bëri edhe Mc Gregor, teksa humbi në atë duel ndaj Mayweather. Nga ana tjetër, Marku nuk njeh asnjë humbje në karrierën e tij, megjithëse emrat e kundërshtarëve që është ndeshur kanë hapur gjithmonë diskutime. Por ajo që duhet theksuar, është fakti se ky njeri ka mbajtur gjithmonë me krenari flamurin shqiptar.