Rama duket se dy llogari të thjeshta i ka bërë, për sa kohë ai do të qëndrojë e të japë kontributin e tij në politikë. Në emisionin “Open”, ai me ironi ka kthyer përgjigjen se kush do të ishte mosha ideale që do të jepte dorëheqjen.
Kryeministri Rama ishte duke folur për Sali Berishën kur u pyet, dhe menjëherë u shpreh se nuk ka ndërmend të qëndrojë deri në moshën e “doktorit”.
“Nuk do të katandisem kështu si “doktori”, 80-vjeç dhe të përgojoj dynjanë. Unë nuk e lejoj veten të përfundoj si ai. Me siguri do të largohem shumë më përpara se të vijë dita, që së largu të mund të mendohet se do të bëhem si puna e Berishës, dhe sinqerisht më vjen keq për të”, tha Rama.
