Bashkim Fino pritet që të zyrtarizojë së shpejti kandidaturën e tij për kreun e Federatës Shqiptare të Futbollit.
Ai do të përballet me Armand Dukën në zgjedhjet e 7 shkurtit. Por, zyrtarizimi i kandidaturës së tij nënkupton lënien e mandatit të deputetit, për t’ia kaluar atë personit pasardhës në listën e Fierit.
Por, kush e zë vendin e Finos në rastin konkret?
Referuar listës, karrigen e Finos do e zërë një kandidate femër, konkretisht Gentiana Cakrani, e cila renditet e 11-a në listën emërore.
Aktualisht Cakrani mban postin e Kryetares së PS-së për Fierin dhe është shumë aktive në radhët e PS-së në këtë zonë.
Gentiana Cakrani ka lindur në Fier më 3 Qershor 1985. Në vitin 2007 ka përfunduar studimet pranë Fakultetit të Gjuhëve të Huaja, dega Anglisht në Vlorë. Nga viti 2013 e në vazhdim ka qenë e punësuar si mësuese në shkollën “Naim Frashëri”.
