Në finale do të vendosë drejtësi “armiku” i të dy skuadrave

Të dielën pasdite me fillim në orën 17:00 e gjithë bota do të jetë e fiksuar para televizorit për të ndjekur finalen e madhe të Botërorit. Kroacia dhe Franca do diskutojnë trofeun e Kupës së Botës në Moskë, në një ndeshje që pritet të dhurojë spektakël. Dallimet në letër janë të mëdha dhe favorizojnë Francë, por nga ana tjetër është një Kroaci që ka treguar një shpirt gare dhe se nuk dorëzohet deri në fund.Është përcaktuar dhe njeriu që do të vendosi drejtësi në finalen e Moskës, që do të jetë gjyqtari argjentinas Nelson Pitana. Mund të thuhet se nuk është zgjedhja më e mirë sepse Franca e eliminoi Argjentinën por jo. Ai e ka arbitruar Francën edhe në ndeshjen me Uruguain ku francezët fituan me rezultat 2-0.Por edhe Kroacia nga ana tjetër e ka mposhtur Argjentinën, me rezultatin 3-0, duke ia bërë mjaft të vështirë kalimin nga faza e grupeve.