Kryetari i Komisionit për Zgjedhje dhe emërime, Ilija Dimovski, deklaron se ish-prokurorja speciale, Katica Janeva ka kërkuar një rrogë nga shteti.
Ai shton se Janeva e ka dërguar këtë kërkesë në Kuvend përmes avokates së saj, Irena Frçkovska. Kjo rrogë përkon me një pagesë një vjeçare, e cila u takon funksionarëve pas përfundimit të mandatit.
Kujtojmë se Katica Janeva ndodhet në paraburgim, si e dyshuar për rastin “Reket”. Ajo u arrestua pak muaj më parë, pasi dyshohet se ka keqpërdorur pozitën zyrtare dhe ka përfituar të mira materiale.
