Ajo që ndodhi mbrëmjen e sotme në kryeqytetin grek, Athinë, mund të kishte një bilanc tragjik nëse forcat e policisë nuk do të kishin ndërhyrë në kohë. Është duke u përgatitur ndeshja mes Aek-ut dhe Ajaxit të Amsterdamit, por duket se dy tifogrupet ultras të skuadrave kanë menduar që të bëjnë një përballje më herët, në rrugë.
https://twitter.com/saitanasker/status/1067162013875544064
Tifo-grupe nga të dy kampet kishin lënë takim në rrugën Alexandria, nëpërmjet rrjeteve sociale dhe menjëherë atje mbërritën rreth 60 tifozë holandezë dhe disa të tjerë të Panathinaikosit, për t’u përballur me rreth 180 tifozë të verdhezinjve të AEK-ut.
Flakadanë, tymuese, grushte e sende të tjera të forta u përdorën në përleshjen, që nëse nuk do ishte për ndërhyrjen në kohë të policisë greke, mund të kishte degjeneruar në një bilanc tragjik.
