Faqja e Partisë Demokratike ka ndryshuar dhe aty mund të gjesh gjithçka për “Republikën e Re” por thuajse asgjë PD-në. Po të lundrosh në faqe, e të kërkosh për statutin e partisë dhe për çështje të organizmit dhe funksionimit të saj, nuk mundet që të gjeni asgjë. Që prej pak ditësh faqja në internet e Partisë Demokratike ka ndryshuar krejtësisht dhe , “epiqendra” e faqes “Republika e Re”.
Ajo çfarë është e dukshme në këtë faqe është se mungojnë edhe tretur simbolet identifikuese të Partisë Demokratike dhe opsionet bazë të informimit se çfarë është Partia Demokratike dhe sesi funksionon ajo.
E para që ka reaguar për këto ndryshime është deputetja e Partisë Demokratike, Jozefina Topalli, në emisionin “Të pa ekspozuarit” ka akuzuar kryetarin PD-së se ka hequr logon e partisë. Topalli është shprehur se të gjitha simbolet e kësaj partie janë hequr nga faqja e uebit të partisë por edhe nga takimet e fushatës që Basha mban me simpatizantët.
“Basha ka nxjerrë Partinë Demokratike nga zgjedhjet, Basha i ka hequr dhe logon e Partisë Demokratike, e ka hequr dhe në faqen e ueb të partisë”, tha Topalli.
Në faqen e re të PD-së tashmë janë vetëm 3 rubrika “Të përditshmet”, “Zëri qytetar” dhe “Bëhu pjesë”, që kanë të bëjnë kryesisht me aktivitetet e PD-së nga data 18 Shkurt kur nisi protesta në Çadrën e Lirisë e deri më sot.
Ndërkohë në faqen e mëparshme, e cila ishte më e larmishme, aty mund të informoheshe në rubrikat “Të rejat”, mund të njiheshe me ata që e përbëjnë dhe kush e përfaqëson Partinë Demokratike tek rubrika “Njerëzit”, gjithashtu mund të njiheshe me kauzat politike të saj në rubrikën “Qëndrimet”. Një tjetër opsion që ishte i pranishëm në faqen e vjetër të PD-së, ishte struktura dhe funksionimi i PD-së në opsionin “Organizimi”.
Një tjetër opsion i rëndësishëm për këtë faqe ishte edhe pjesa e denoncimeve për çështje të ndryshme dhe që shqetësonin qytetarët apo mbështetës të PD-së në opsionin “Denonco të inkriminuarit”, përpos rubrikave “Anëtarësohu”, “Dhuro”, “Shpirti demokrat” dhe “Na kontakto
Ajo që bie në sy është edhe ndryshimi i ngjyrës përbërëse të faqes së re në internet që nuk është më blu e theksuar, por e bardhë dhe e kuqërremtë ashtu si ngjyrat dalluese të simbolit “Republika e Re”.
Nuk dihet se mbi ç’kritere është ndërtuar faqja e re e Partisë Demokratike e cila që nga sot e tutje nuk do të ketë më domainin PD.al, por demokratet.al. Por fakt është se kjo faqe ka mungesë të theksuar informacioni dhe identifikimi si faqja e asaj që njihet si Partia Demokratike e Shqipërisë.
