Media serbe B92, shkruan se presidenti francez Emmanuel Macron mund të mbështesë idenë e “korrigjimi të kufijve”. Sipas saj ai dëshiron të përfshihet për zgjidhjen e mosmarrëveshjes Beograd-Prishtinë.
Ndërsa media e serbe e hap shkrimin me titullin: “Ideja është që Macron të nxisë Beogradin të njohë Kosovën”.
Sipas B92, ky është një informacion që është raportuar të nga radioja RFI RFI. Medai franceze raporton se ideja është të “inkurajohet Beogradi të njohë pavarësinë e Kosovës”.
“Pas viteve të pasivitetit relativ, diplomacia franceze duket se dëshiron të përfshihet edhe njëherë në çështjet e Ballkanit. Ai dëshiron të përfshiet, veçanërisht në negociatat e vështira për “normalizimin e marrëdhënieve midis Beogradit dhe Prishtinës “. Kështu thuhet në një artikull të botuar nga Radio France International.
Sipas RFI, “Për Macron do jetë një hap vendimtar për të bindur Gjermaninë të heqë dorë nga kundërshtimi i saj për çdo ndryshim të kufijve në Ballkan”.
Sipas supozimeve të fundit, radioja franceze shkruan:
“Veriu i Kosovës me shumicë serbe mund të shkëmbehet me pjesën e luginës së Preshevës në jug të Serbisë, ku shqiptarët përbëjnë shumicën e popullsisë. Por ky shkëmbim është një rrezik për konflikti të ri rajonal”./TIRANA TODAY/
