Presidenti malazez Milo Gjukanoviç në një intervistë për gazetën franceze “Le Figaro”, ka fol për problemet në Ballkan. Sipas tij shumica e konflikteve në Ballkan janë vërtetë realë. Megjithatë, sipas pikëpamjes së Gjukanoviç, të gjitha problemet e Ballkanit rrjedhin ekskluzivisht nga Beogradi. Ai gjithashtu beson se ideja e “Serbisë së Madhe” po del në horizont dhe kërcënon paqen në rajon.
Presidenti malazez ka theksuar dy pengesa të rëndësishme për përparimin e Ballkanit. Sipas tij janë; negociatat e reja të Presidentit të Serbisë dhe Kosovës dhe marrëdhëniet mes Beogradit dhe Zagrebit.
“Kam frikë se një zhvillim i tillë i situatës i hap rrugë mbështetësve të “Serbisë së Madhe”. Disa prej tyre përsëri fillojnë të mohojnë pavarësinë e Malit të Zi, duke argumentuar se Serbia ka një të drejtë natyrore në Malin e Zi”, tha ai.
Gjukanoviç theksoi se shkëmbimi i territoreve midis Kosovës dhe Serbisë është një risi e plotë. Ai shtoi se duhet pasur kujdes që të mos krijohet ndonjë precedent që do të nxiste efektin domino në rajon.
“Kjo temë për një kohë të gjatë ka qenë tabu, sepse na ka kujtuar përvojat e këqija të vitet ‘90. Pas përfundimit të luftërave, në rajon është folur më shumë për multikulturalizmin dhe demokracinë multientike. Është e vërtetë që disa kryeqytete perëndimore e kanë ndryshuar mendje”, tha Gjukanoviç.
Presidenti malazez tha po ashtu se marrëdhëniet e shtetit të tij me Rusinë aktualisht janë më të këqijat se kurrë më parë.
“Gjithmonë kemi qenë të afërt me Rusinë, si historikisht, ashtu edhe kulturalisht. Megjithatë, marrëdhëniet tona janë përkeqësuar dukshëm viteve të fundit. Mund të them madje se janë në nivelin më të keq se ndonjëherë”, ka thënë Gjukanoviç./TIRANA TODAY/
