Fakti se Elseid Hysaj dhe menaxheri i tij Giuffredi, duan të largohen nga Napoli tashmë nuk është më një sekret. Por, dukej se mbrojtësi i kombëtares së bashku me klubin kishin rënë dakord për rinovimin e kontratës që skadon në vitin 2021, dhe më pas në verë të kishte mundësinë të largohej në mënyrë që edhe të kaltrit të përfitonin financiarisht.
Mirëpo, në orët e fundit ka pasur një ndryshim planesh, e ashtu siç raportojnë mediat italiane, shkodrani ka refuzuar rinovimin e kontratës.
Ndarja me Napolin në fund të këtij sezoni do të jetë e pashmangshme, ndërsa ofertat për shqiptarin nuk mungojnë si nga Serie A, ku ai tashmë ka një eksperiencë të madhe, por edhe nga klubet jashtë Italisë.
