Kamza ka mposhtur Lushnjën me rezultatin e ngushtë 2-1, të regjistruar që në pjesën e parë. Tekniku Ndreu i kënaqet vetëm tre pikëve pasi sipas tij performaca e dhënë në fushë nga ekipi nuk ishte në lartësinë e duhur. Po ashtu kjo është ndikuar edhe nga dy mungesa të rëndësishme që kishte Kamëza si Fushtar dhe Arrabal.
“Të gjitha skuadrat do ta kenë të vështirë të fitojnë kundër Lushnjës. Ata nuk kanë presion si të tjerët dhe këtë po e tregojnë të gjitha ndeshjet. Pësuam një gol aksidental dhe vetëm dy herë shkuam te porta në pjesën e parë. I ndjemë shumë mungesat e Fushtar dhe Arrabal. Kjo ishte një ndeshje e vështirë nga ana psikologjike, është vështirë t’i japësh skuadrës një impuls ndaj të dobëtëve. E rëndësishme është që morëm tre pikë të vlefshme. Jam i kënaqur me 2-1 por e kisha parashikuar, puna më e madhe gjatë javës ishte nga ana psikologjike. Lushnja luan mirë edhe pse s’ka pikë. Është e vështirë të bindësh lojtarët që s’ka ndeshje të lehta. Nëse nuk i jep vlerësimin e duhur, vuan si ne sot. Isha i emocionuar se e kisha shumë frikë këtë ndeshje, kam eksperiencë në këtë gjë. Në këtë sezon kemi zhvilluar dy ndeshje të dobëta, të dyja ndaj Lushnjës,”-u shpreh tekniku i Kmzës, Ramadan Ndreu.
Trajneri Hysen Dedja, është shprehur i kënaqur me lojën që kanë treguar në fushë futbollistët e tij, por është një moment që Lushnjes i duhen më shumë fitoret. Kemi një grup mjaft të fortë dhe do të luftojmë deri në fundin e sezonit, në merkato do të ketë disa afrime të reja tek Lushnja. Po ashtu Dedja ka theksuar se do të ishte shumë i kënaqur nëse do të luanin më keq dhe do të fitonin.
“Më vjen keq shumë për mungesën e rezultateve dhe sidomos për humbjen ndaj Kamzës. Ishim përgatit për këtë sfidë në mënyrën më të mirë të mundshme kemi luajtur mirë, por kemi dalë sërish pa pikë. Në këto momente na interesojnë pikët dhe jo loja e mirë. Kemi nevojë për pikë, do të kënaqesha edhe me një lojë më të keqe nëse do të kishim marrë pikët. Sot skuadra dha maksimumin, kaloi edhe në avantazh por në fund dolëm pa pikë për shkak të disa gabimeve amatoreske që bëjmë. Kjo skuadër më jep shpresë, unë nuk dorëzohem dhe nuk tërhiqem. Kemi nevojë për ndonjë përforcim në janar, por unë mendoj që ne do të konkurrojmë deri në fund për mbijetesën”.
