Ndotja e lumit Gjanica që shoqëron përditë të gjithë banorët e zonës së Ofiçinës së Vjetër në Patos kanë bërë që Komiteti Shqiptar i Helsinkit dhe përfaqësues të Avokatit të Popullit të zhvillojnë një takim me banorë të kësaj zone.
Ky shqetësim i banorëve, ndihmuar dhe financiarisht nga Fondacioni Shqipëria e Hapur për Shqipërinë, do të shkojë në gjyq.
Ardita Kolmarku: Çështja në gjykatë do të depozitohet brenda muajit nëntor dhe do të ketë një sërë fushatash të tjera sensibilizuese.
Komiteti Shqiptar i Helsinkit gjatë të gjithë kësaj kohe ka mbledhur prova dhe fakte që tregojnë se nga buron ndotja dhe se kush janë shkaktarët e saj.
Ardita Kolmarku: Kemi arritur në fakte të pakontestueshme si përballë institucioneve shtetërore të cilat në bazë të ligjit kanë kompetencën dhe detyrimin për të vepruar.
Lumi Gjanica në këtë zonë është tepër problematik përsa i përket ndotjes mjedisore dhe nuk kanë qenë të pakta rastet kur banorët janë drejtuar në spitale për të marrë mjekim.
