Shpesh qytetarët janë ankuar në lidhje me faturën e ujit, pasi nuk e justifikon çmimin e ‘kripur’ që ata paguajnë. Por një tjetër rast është denoncuar nga vetë gazetari Aulon Kalaja, i cili e shikon si të pa shpjegueshme çmimin stratosferik që ai duhet të paguajë, ndonëse është mjaft i kursyer me ujin që vjen me orar, dhe me raste ndodh që është jo i konsumueshëm.
Aulon Kalaja tregon me fakte se fatura e ujit për muajin qershor i ka ardhur 67 mijë e 500 lekë. Për tu bindur edhe me vetveten, pasi kishte hije dyshimi, ai ka marrë edhe një ekspert hidroteknik, i cili ka vërtetuar se në shtëpinë ku banon, nuk ka asnjë rrjedhje uji.
Për të, kjo është një vjedhje e pastër, pasi fatura e ujit është 5-fishuar pa arsye, në krahasim me ato që kanë ardhur përpara.
