Pavllo dhe Fatmira Mihali kanë gjetur forcën, për të lënë sadopak pas dhembjen që u shkaktoi vrasja e djalit të tyre, Marvit, për një karikues. Gazetari Bledi Mane njofton përmes një postimi në Facebook, se ata janë bërë prindër të një vajze.
Mësuesja e anglishtes, Fatmira dhe bashkëshorti i saj Pavllo Mihali, kampioni i dikurshëm i atletikës, sot kanë arsye të mposhtin dhimbjen. Ata sapo janë bërë prindër të një vajze, duke na dëshmuar se jeta ngrihet mbi plagët e vdekjes. Marvi Mihali u vra në datën 31 korrik 2017.
Statusi
LAJM I GËZUAR/ MARVI MIHALI BËHET ME MOTËR!
E mbani mend para tre vitesh, u kujtohet vrasja makabre për një karikues celulari e djaloshit 19 vjeçar Marvi Mihali në Tiranë? Veç dhimbjes, veç humbjes, veç jetës së djalit të tyre të vetëm ndërprerë padrejtësisht, prindërit e Marvit luftuan si heronj edhe me drejtësinë halabake dhe vampire shqiptare. Dy prindër intelektualë kurajozë, këmbëngulën duke i dhënë krimit dhe gjykatave shqiptare mësimin e merituar. Megjithëse në moshë mbi 50 vjeç, mësuesja e anglishtes Fatmira dhe bashkëshorti i saj Pavllo Mihali, kampioni i dikurshëm i atletikës, sot kanë arsye të mposhtin dhimbjen dhe të fillojnë të lumturohen gradualisht. Ata sapo janë bërë prindër të një vajze duke na treguar të gjithëve se jeta ngrihet mbi plagët e vdekjes. Vëllai më i ri në Tiranë Arvi Mihali tashmë nuk lëngon në varr nga plagët e vrasjes me thikë, ai gëzon se tashmë ka një motër të vogël të bukur e cila erdhi në jetë jo për hakmarrje por për të përcjellë dashuri në një vend të plagosur nga qytetarët e tij…
