Në prag të zgjedhjeve lokale, ish-deputeti Eduart Ndocaj ka shpërthyer në akuza ndaj kandidatit të bashkisë së Lezhës nga radhët e PS-së, Pjerin Ndreu.
Në një prononcim për Dosja.al, Ndocaj, i cili po ashtu synon Bashkinë e Lezhës, e ka cilësuar Ndreun si “servil të Ramës dhe të pushtetit”.
Ai theksoi se nuk ka asnjë shans që Ndreu të bëhet kryetar Bashkie pasi asnjë lezhjan nuk e do sepse ai ka krijuar në atë zonë mafien më të rrezikshme dhe se është njeri i paskrupullt.
Kandidati i PS-së, Pjerin Ndreu ka thënë që Bashkia e Lezhës do të jetë e imja dhe pretendon se do të bëjë një fushatë shumë të fuqishme dhe rezultati do të jetë spektakolar. Si keni menduar ta mundni dhe si mendoni se është situata në terren? Në bazën e PS-së në Lezhë ka të pakënaqur të cilët nuk e duan Pjerin Ndreun si kandidat? Kush e ka propozuar kandidaturën e Pjerin Ndreut?
Eduart Ndocaj: Ju bëj thirrje qytetarëve të Lezhës që të mos jenë viktima e dy partive të mëdha, që kanë 28 vite që drejtojnë Lezhën por Lezha sot radhitet në qytetet më të varfra të republikës së Shqipërisë. Por mund të ishte një Zvicër e vogël me resurset e jashtëzakonshme që ka, për të qenë një qytet i bukur dhe aktraktiv për turizmin dhe shqiptarët. Pjerin Ndreun e kanë katapultuar nga Puka në Paskuqan, nga Paskuqani e kanë pru në Lezhë. Pjerin Ndreu është një servil i pushtetit, servil i kryetarit, një njeri pa shtyllë kurrizore dhe pa shpresë për të qenë politikan dhe kryetari i Bashkisë Lezhë. Patjetër që është i komanduar nga Rama. Socialistët e Lezhës nuk ka pyetur njeri që kur ka ardhur Rama sepse kam qenë pjesë e tyre dhe e di vetë. Kjo parti funksionon totalisht në diktaturë të rreptë sepse kush nuk është dakord përjashtohet, siç u përjashtua Gjetan Gjetani. Për Pjerin Ndreu e ka thënë shumë mirë Gjetani se nuk ka lidhje me Lezhën dhe është një figurë e djegur. Do ishte një batutë shumë e bukur: Je i vetmi politikan dhe bandit është i përbashkët. Në Lezhë ka krijuar një mafie shumë të rrezikshme dhe ka marrë peng çdo institucion të Lezhës dhe jam i bindur se lezhjanët nuk do të jenë viktimë e një njeriu kaq të pabindur, të paskrupullt. Një pjesë e mirë e lezhjanëve nuk duan ta shohin me sy dhe jo t’i japin votat. Ky nuk është i denjë për të qenë qytetar i Lezhës dhe jo më kryetar Bashkie.
