Shorti i Champions League ka vënë përballë në fazën cerekfinale dy ekipet që zhvilluan finalen e madhe të edicionit të fundit, Real Madrid dhe Juventus. Sfida ndizet menjëherë pas shortit, ku i pari që komenton është kapiteni i madrilenëve, Sergio Ramos. Ky i fundit me anë të një postimi në “Twitter”, të shoqëruar me foton ku është bashkë me Buffon shkruan “njohje e vjetër”.
Nuk ka vonuar shumë edhe kapiteni i italianëve ka postuar të njëjtën foto, por i ka hyrë me thellë kësaj përballje, duke e analizuar më në detaje.
“Ndonjëherë kemi fituar ne, herë të tjera kemi humbur. E vërteta është që kur humbet ndaj skuadrave vendimtare, të përbëra nga kampionë të tillë, nuk ke pendime dhe nuk bëhesh pishman. Nuk ke ato ndjesi që të bluajnë zakonisht kur mundesh. Shpresoj që të vlejë edhe për ata! Le të fitojnë ata më të vendosurit!”, citon postimi i publikuar nga Buffon në “Twitter”.
