Kancelari i Austrisë Sebastian Kurz një ditë më parë priti në Vjenë kryeministrat e Ballkanit Perëndimor dhe dy komisionerë evropiane. Në takim u diskutua për perspektivën evropiane dhe bashkëpunimit rajonal. Në përfundim të takimit u fol për një angazhim të përbashkët.
Por, kujtomë se ky takim erdhi në një moment kur marrëdhëniet mes Beogradit dhe Prishtinës kanë vazhduar të përkeqësohen mujat e fundit. Dialogu i udhëhequr nga BE për të normalizuar marrëdhëniet midis dy vendeve është në pritje. Megjithatë, marrëveshja është një parakusht për pranimin në BE. Serbia ende nuk e njeh pavarësinë e Kosovës.
Beogradi dhe Prishtina: akuza të ndërsjellat
Gjatë fjalës së saj, kryeministrja serbe u ankua për tarifimin e produkteve serbe nga qeveria e Kosovës. Sipas Brnabiç, Kosova shkeli marrëveshjen e CEFTA-s.
“Në fillim të nëntorit pati protesta të dhunshme në Beograd, pas vendimit të Kosovës. Kjo e fundit, për mallrat nga Serbia dhe Bosnje-Hercegovinë ka rritur tarifat me dhjetë për qind. Serbia është “diskriminuar qartë”. Kështu, Kosova është në kundërshtim me marrëveshjen CEFTA, e cila kërkon të heqë kufizimet tregtare midis vendeve të Ballkanit Perëndimor”, tha Brnabiç.
Sipas pikëpamjes së Haradinajt, “Kosova është trajtuar nga Serbia dhe Bosnja si “jo e barabartë” në vitet e fundit. Për shkak të kufizimeve tregtare, Kosova nuk mund të dërgonte mallra në Serbi”, tha ai. Ndërsa kryeministri Rama është përpjekur të bëjë ndërmjetësuesin. Ai shprehu shpresën se mosmarrëveshja do të zgjidhet.
Liberalizimi i vizave
Por, gjatë këtij takimi kryeministri Haradinaj, shfrytëzoi rastin për t’i kërkuar një “nder” kancelarit Kurz. Madje kryeministri ynë e ka mbështetur Haradinajn në këtë pikë.
Shefi i qeverisë së Prishtinës kërkoi që Vjena, si kryesuese e BE-së, të fusë në axhendë liberalizimin e vizave, raporton nachrichten.at.
“Sot, në Vjenë të Austrisë zhvilluam një mëngjes pune me kancelarin Sebastian Kurz dhe liderët e vendeve të Ballkanit Perëndimor, ku theksova se Kosova është e përkushtuar në fuqizimin e bashkëpunimit rajonal dhe e gatshme të marrë përsipër obligimet e saja, por se kjo duhet të jetë reciproke.
I njoftova homologët se vendi ka shënuar progres në implementimin e MSA-së dhe ERA 1 dhe se tani po presim edhe lansimin e ERA 2.
Kosova është vendi i vetëm në BE dhe rajon që ende nuk lëvizë lirshëm dhe nga Kancelari Kurz kërkova që liberalizimi i vizave, të futet në agjendën e BE-së, sepse Kosova ka përmbushur të gjitha kriteret e vëna nga BE.
Përveç të drejtës tonë për lëvizje të lirë, liberalizimi i vizave për Kosovën do të thotë më shumë partneritet, më shumë treg e mundësi këmbimi për vendet e BE-së dhe rajonit”, shkruan Haradinaj në Facebook./TIRANA TODAY/
