Zv.ministrja e Punës dhe Çështjeve Sociale, Bardhylka Kospiri ka shpjeguar se çfarë synon ligji ri për ndihmën ekonomike, duke sqaruar kështu risitë dhe përftimet që sjell.
Në një prononcim për “Abc News”, Kospiri deklaroi se ky ligj ka për qëllim që personat në moshë pune të mbështeten dhe orientohen drejt punësimit.
“Ne kemi në skemë 66 mijë familje që marrin në mënyrë të drejtpërdrejtë nga programi ynë, por edhe nga bashkitë nga fondit 6%. Personat në moshë pune të mbështeten dhe orientohen drejt punësimit. Sistemi është i kujdesshëm, bën vlerësimet u pilotua dhe u shtri në gjithë rajonet dhe janë kaluar shumë hapa. Ka dhe familje që kanë persona të punësuar dhe marrin ndihmë ekonomike, sepse ka të bëjë më faktorë të tjerë sa persona janë, sa të ardhur kanë? Ky ligj ka disa risi dhe nëse deri tani kemi kufi maksimal në 8 mijë lekë të reja rezulton se janë 3 mijë familje që duke qenë se kanë numër të madh anëtarësh duhet të marrin më shumë. Ligji ka bërë dhe kufizimin qëndrimit në skemën e përfitimit në limit 5 vjeçar, duke i mbështetur dhe orientuar drejt programeve nxitëse të punësimit”, u shpreh zv.ministrja.
Ndërkohë, Kospiri theksoi se ligji ka 3 programe dhe për personat me aftësi të kufizuar. Sipas saj, me ligjin e ri synohet integrimi i personave dhe jo trajtim pasiv i tyre.
“Ligji ka 3 programe dhe për personat më aftësi të kufizuar që nuk vlerësohet si pacient, por në atë social në mënyrë individuale me mbështetje të medikamenteve dhe ndahet vlerësimi për të rritur dhe fëmijë më vete. Personat me aftësi të kufizuar motivohen nuk trajtohen si persona për mbijetese. Ministria e Shëndetësisë dhe Mbrojtja Sociale mbështesin grupet që kanë nevojë dhe grupimet të tjera vulnerabël. Asnjë e drejtë nuk shkelet dhe përfitim sa më të drejtë dhe synohet integrimi i personave dhe jo trajtim pasiv”, deklaroi Kospiri.
Po ashtu, nga bonusi i bebeve përfitojnë të gjitha lindjet në institucionet shtetërore e private, si dhe shtetasit jashtë territorit të Shqipërisë.
Ndër të tjera, zv.ministrja tha se është shtuar numri i çifteve me probleme me aftësi të kufizuar me dy ose një bashkëshort: “Ata guxojnë se ndjehen të mbështetur dhe janë të punësuar e ndërtojnë familje se kanë mbështetje financiare.”
