Klubi i Partizanit ka njoftuar zyrtarisht shifrat e biletave të shitura ditën e sotme për derbin e kryeqytetit midis Partizanit dhe Tiranës që do të luhet në orën 19:00 në stadiumin “Air Albania Stadium”.
Përmes një njoftimi në “Facebook”, klubi i kuq ka bërë me dije se deri më tani janë shitur plot 17 mijë e 500 bileta.
ZYRTARE
Klubi njofton se vazhdon të ketë një interesim të jashtëzakonshëm për derbin Partizani – Tirana i cili luhet nesër në “Air Albania Stadium” ora 19:00. 17.500 bileta është deri më tani numri i biletave të shitura përgjatë ditës së sotme.
Ju kujtojmë që biletat do të mund ti siguroni edhe përgjatë ditës së nesërme e në vazhdim ora 10:00 deri 19:00 pranë pikave të shitjes, në stadiumin “Selman Stërmasi”, në dyqanin zyrtar të FSHF “Macron”, pranë Ambasadës Amerikane, si edhe pranë dyqanit “Joma” Sponsori Teknik i skuadrës, i pozicionuar pranë Godinës “ETC” te Rruga e Elbasanit.
