Sfida PSG-Bashakshehir, e cila është ndërprerë për minuta të tëra, do të luhet sërish, por me një gjyqtar të katërt tjetër.
UEFA bëri me dije në një njoftim të fundit se ballafaqimi mes nënkampionëve të Europës dhe kampionëve të Turqisë do të luhet sërish, por nuk saktëson se në cilin moment.
“Duke ndjekur incidentin me arbitrin e katërt, ndeshja u ndërpre përkohësisht. Pas konsultimit me të dyja skuadra, u vendos që takimi të rinisë me një arbitërt të katërt të ri. UEFA do të hetojë çështjen dhe një njoftimi i ri do të komunikohet”, thuhet në njoftimin e fundit të qeverisë së futbollit europian.
Ndeshja u kthye në qendër të kaosit pasi arbitri i katërt Sebastian Koltesku ofendoi me fjalë raciste zv-trajnerin e Bashakshehirit Pier Vebo. Ky i fundit dhe sulmuesi i ekipit Demba Ba u përjashtuan nga sfida me karton të kuq për sjellje antisportive.
