Punimet për aeroportin e Kukësit pritet që të përfundojnë vitin e ardhshëm.
Mjetet e makinerive të rënda po zgjerojnë hapësirën e pistës ekzistuese si dhe hapësirën e sigurisë. Pra, jo vetëm që do të zgjerohet pista, por dhe sipërfaqet që shërbejnë për sigurinë e aeroportit deri në 30 metra.
Inxhinier, Albert Seferaj është shprehur për “Abc News” se: “Ne kemi filluar me fazën e gërmimit dhe zgjerimit të pistës së sipërfaqes aktuale, planifikohen 1 milionë metër kub material”.
Sakaq, është projektuar që aeroporti të ketë parametra e standarde me aeroportet ndërkombëtare evropiane.
Në shtator të vitit 2020 parashikohet të nisin dhe fluturimet.
