Violet Moss Brown, gruaja më e moshuar në botë në 5 muajt e fundit, ka ndërruar jetë dje më 16 shtator.
Ajo u bë njeriu më i moshuar në botë më 15 prill 2017, pas vdekjes së Emma Morano, e cila ishte 117 vjeçe dhe 137 ditëshe.
Ndarja e saj nga jeta ndodhi vetëm pak ditë pasi u largua nga shtëpia e saj në Trelawny në Xhamajka. Ajo banonte me nipërit dhe anëtarët e tjerë të familjes.
Pas vdekjes së Violet, tashmë njeriu më i moshuar në botë është Nabi Tajima nga Japonia, e cila është 117 vjeçe.
Njeriu më i vjetër në histori është Jeanne Calment, e cila jetoi 122 vjet dhe 164 ditë.
Të dhëna për Violet Moss Brown:
-Lindi më 10 mars 1900
-Sipas Violet, të ngrënit shëndetshëm dhe të shërbyerit ndaj Zotit kanë qenë sekretet e jetëgjatësisë së saj.
Vajza e saj, Lelieth Palmer tha: “Ajo ishte mirë para se ta çonim tek mjeku. Nuk dukej sëmurë, madje ishte në gjendje të ulej dhe të krihte vetë flokët. Vdekja e saj na ka tronditur të gjithëve”.