Sipas hetimeve administrative nga ana e institucionit të Avokatit të Popullit, ndaj Enea Ftoit nuk është ushtruar dhunë. 27-vjeçari vdiq në ambientet e komisariatit të Korçës, ndërsa familjarët akuzuan policinë se fajtore për ndarjen nga jeta.
Sipas hetimeve, Ftoit i ka pushuar zemra, ndërsa thuhet se në ambientet e komisariatit janë respektuar të gjitha të drejtat për babanë e tre fëmijëve.
Enea Ftoi ndërroi jetë më 17 maj të 2018-ës. Ai kishte tre ditë që qëndronte pasi ishte ndaluar për vjedhje. Ditën kur i riu ndërroi jetë, duhej të dilte në sallën e gjyqit. Familjarët e prisnin atë në sallën e gjyqit, ku u njoftuan për ngjarjen e rëndë.
Pas ngjarjes, familjarët e viktimës hodhën akuza të rënda për policinë, se ka dhunuar të riun në paraburgim, duke i shkaktuar edhe vdekjen.
