Konsullata shqiptare në Milano njofton se nga sot ka ndërprerë të gjitha shërbimet, deri në datën 3 dhjetor. Gjatë kësaj kohe, Konsullata do të garantojë shërbimin me postë si edhe vetëm rastet urgjente (si nulla osta vdekje).
Në njoftimin zyrtar, thuhet se të gjithë qytetarët që kanë caktuar takim për pasaportë dhe kartë id, do të njoftohen me e-mail për datën e re të takimit, sapo situata të normalizohet.
Nga data 5 nëntor, Italia është futur në karantinë, masë e cila do të jetë aktive për një muaj rresht.
Kryeministri Conte ka miratuar një dekret të ri me masat anti-Covid, që do të mbizotërojnë vendin deri në 3 dhjetor.
Sipas dekretit të ri, vendi do të ndahet në tre kategori: zona të kuqe, portokalli dhe jeshile. Në të gjitha zonat e ndara do të kenë kufizime të ndryshme, në varësi të kurbës së infektimit.
Njoftimi
Konsullata e Përgjithshme e Republikës së Shqipërisë në Milano, në zbatim të Dekretit të Kryeministrit Italian Giuseppe Conte i firmosur ne dt. 03.11.2020 i cili ka hyrë në fuqi sot në dt. 06.11.2020, komunikon se ndërpriten përkohësisht të gjitha shërbimet konsullore deri në datën 3 DHJETOR 2020. Do të garantojmë shërbimin me postë si edhe vetëm rastet urgjente (si nulla osta vdekje).
Qytetarët që kanë të fiksuar takim për pasaportë dhe kartë id, do të njoftohen nga ne me e-mail për datën e re të takimit, sapo situata të normalizohet dhe të fillojë sërish lëvizja e lirë nga një qytet në tjetrin si dhe hyrja në Lombardi rajon i konsideruar zonë e kuqe. Kontrolloni vazhdimisht profilin tonë zyrtarë në Facebook dhe faqen tonë zyrtare në ëeb për njoftime të reja. Gjithashtu, ftojmë të gjithë qytetarët tanë të ndjekin me përpikmëri dhe rigorozitet të gjitha udhëzimet e Qeverisë Italiane me qëllim ndalimin e përhapjes së virusit Covid-19. Faleminderit për mirëkuptimin!
