Ish-nënkryetari i FRESSH, Juxhin Çela i cili aktualisht jeton në Belgjikë është goditur me dorezë hekuri teksa ka ndërhyrë për të shpëtuar nga dhuna një grua nga një grup të rinjsh.
Çela ka ndërhyrë për t’i ardhur në ndihmë një gruaje në moshë siç e cilëson ai por është goditur nga një i ri shqiptar, duke përfunduar me çarje në vetull dhe në hundë.
Ja si e rrëfen Juxhin Çela ngjarjen: Dje pak para mesnate shikoj një grua në moshë që po konfliktohej me një grup të rinjsh të cilët e rrëzuan në tokë pas përplasjes verbale, instinktivisht sapo përballem me këtë skenë përpara meje menjëherë vrapova për të ndihmuar gruan në nevojë dhe për të ndarë palët e përfshira në konflikt, por një i mitur shqiptar aty kishte doreze hekuri dhe më goditi.
Ndjej se bëra aktin e duhur përtej se familjet që nuk edukojnë fëmijët e tyre me vlerat bazike për të jetuar ne komunitet janë një realitet dhe kjo do me sjelli 10 ditë me regjim shtrati. Këtë sqarim e bëj për të shmangur telefonin e prishur, faleminderit kujtdo që më ka uruar shërim.
