Pas lajmit për vdekjen e kryetarit të Komisionit Nismëtar për themelimin e PD-së në Berat, Fehmi Telegrafi, ka ardhur edhe reagimi i presidentit Meta.
Me anë të një postimi në Facebook, Meta i ka shprehur ngushëllimet familjarëve të tij, teksa shprehet se ai bashkë me Vasili Hocon, arritën ta çojnë përpara sportin e peshëngritjes në nivel kombëtar e ndërkombëtar.
“Në këtë ditë të vështirë jam pranë familjes së tij, kolegëve e ish-sportistëve, si edhe qytetarëve të Beratit, të cilët krenoheshin me personalitetin dhe sukseset e tij”, shkruan Meta në postimin e tij.
Postimi i plotë:
Të dashur miq!
Me hidhërim të madh mora sot lajmin e ndarjes nga jeta të Profesor Fehmi Telegrafit, njërit prej ikonave dhe autoriteteve të zhvillimit të sportit tonë të peshëngritjes.
Personalisht do të ruaj gjithmonë nderimin më të madh për këtë edukator e frymëzues të shumë kampionëve e rekordmenëve të Shqipërisë si Vasil Hoco me shokë, të cilët arritën rezultate të jashtëzakonshme, që e çuan përpara sportin e peshëngritjes në nivel kombëtar e ndërkombëtar.
Po kështu Profesor Fehmiu kontribuoi për ekipet tona kombëtare dhe sukseset e tyre.
Në këtë ditë të vështirë jam pranë familjes së tij, kolegëve e ish-sportistëve, si edhe qytetarëve të Beratit, të cilët krenoheshin me personalitetin dhe sukseset e tij!
