Kryetari i Partisë Bindja Demokratike, Astrit Patozi ka reaguar në lidhje me ndarjen nga jeta të aktorit Valter Gjoni, i cili humbi betejën me koronavirusin.
Teksa tregon njohjen me të, Patozi shpreh dhimbjen për ikjen e parakohshme të aktorit.
Sipas Patozit, me ndarjen nga jeta të Valter Gjonit, iku një shqiptar i veçantë.
Mesazhi i Patozit
IKU NJË SHQIPTAR I VEÇANTË
Valter Gjonin e kam njohur diku nga viti 1993, unë si gazetar i ri, ndërsa ai zyrtar i Bashkisë së Tiranës.
Që prej asaj dite, sa herë e kam takuar, gjithmonë e ka gjetur një mënyrë për të më treguar se i respektonte të gjithë kryetarët, gati njësoj, pavarësisht flamujve partiakë dhe huqeve të tyre.
Dhe kam menduar se ai duhet të kishte një aftësi të rrallë, e cila nuk para gjendet ndër shqiptarët e sotëm, për të qenë i çliruar nga emocionet e forta politike, të cilat na e errësojnë kaq shumë shikimin.
Por sot, që Vali është larguar nga kjo botë, po shihet se ai ka ditur që këtë dashamirësi t’ua “ngjisë” edhe shefave të vet, me të cilët ka punuar për dekada.
