Policia e qytetit bregdetar ka ngritur dy pista hetimi, për vrasjen që trondit mbrëmjen e së martës Durrësin. Sipas policisë po hetohet në pistën e hakmarrjes dhe larjes se hesapeve. Sipas bluve, Harizaj i dyshohet të ketë qenë edhe shënjestra e këtij atentati. Ai ishte i dyshuar për disa vrasje të ndodhura në Vlorë, por edhe për gjobëvënie dhe trafik droge.
Sipas burimeve nga grupi hetimor, 39-vjeçari ka marrë katër plumba në trup dhe një në nofull. Plumbi në nofull i ka dalë pas koke duke i marrë jetën në vend. Në Vlorë, Edison Haziraj njihej me emrin “Il Padrino”.
Ai ka qenë i dënuar me 10 vite burg për një vrasje të kryer në vitin 1999. Ai është hetuar edhe për vrasjen e gjyqtarit Skerdilajd Konomi në Vlorë. Por sërish nuk u provua implikimi dhe pjesëmarrja e tij në këtë krim të rëndë.
Ndërsa së fundmi, Harizaj akuzohej si i përfshirë në zhdukjen e Albano Xhaferrit në Vlorë, i cili ishte kthyer pak kohë para se të zhdukej nga Belgjika. Për shkak të kësaj veprimtarie kriminale, pistat kryesore të hetimet mësohet se janë shtrirë te hakmarrja.
