Një shpërthim i fuqishëm tronditi pasditen e sotme qytetin e Vlorës, kur një mjet u hodh në erë. Brenda mjetit ndodhej një 48-vjeçar, i cili për fat të keq ka humbur gjymtyrët.
Brenda makinës “Benz” me targa AA703MG ndodhej shtetasi Agron Alushaj.
Agron Alushaj mësohet se merrej me biznes ndërtimi, dhe ishte pronar i një guroreje në Drashovic.
Po kështu Alushaj është dhe i vëllai i ish-drejtores së Hipotekës së Vlorës, Loreta Alushaj Tozaj.
Makina sapo kishte dalë nga një lavazh, dhe ka shpërthyer në ecje pranë një karburanti.
Njoftimi i policisë:
Rreth orës 16:35, në hyrje të Vlorës pranë një karburanti, ka shpërthyer në ecje automjeti i markës “Benz”.
Si pasojë e shpërthimit, ka mbetur i dëmtuar shtetasi A.A, 48-vjeç, i cili ndodhet në sallën e reanimacionit të Spitalit Rajonal Vlorë.
Grupi hetimor ndodhet në vendngjarje, duke kryer hetimet në lidhje me zbardhjen dhe sqarimin e rrethanave. Vazhdojnë hetimet për dokumentimin e plotë të ngjarjes.
https://tiranatoday.com/detajet-ne-makinen-e-48-vjecarit-drejtuesi-i-mjetit-ne-gjendje-te/