Shkrimtari izraelit Aharon Appelfeld është ndarë nga jeta në moshën 85-vjeçare.
Ai është një nga zërat më të rëndësishëm të letërsisë izraelite dhe që i mbijetoi Holokaustit, ndërsa vepra e tij kushtuar kryesisht jetës së hebrenjve në Evropë para dhe gjatë Holokaustit, u përkthye në disa gjuhë.
Aharon Appelfeld lindi në vitin 1932 në një fshat pranë Czernowitz, në Ukrainë, në një familje hebreje. E ëma e shkrimtarit u vra nga nazistët dhe ai u deportua me të atin në një kamp.
Appelfeld iku i vetëm në vitin 1942 dhe mbijetoi në pyje, adoptuar nga një bandë kriminelësh ukrainas. Pasi ra në duart e sovjetikëve, ai u bë kuzhinier për nëntë muaj i Ushtrisë së Kuqe, nga ku u largua në vitin 1945, ndërsa një vit më vonë emigroi në Palestinë.
Shkrimtari rigjen babanë e tij, edhe ai i mbijetuar i barbarisë naziste, në vitin 1957 në Izrael. Libri i parë i tij u publikua në vitin 1962 dhe do të pasohej nga më shumë se 40 vepra, romane dhe poezi.
Ai tregon në autobiografinë “Historia e një jete” (1999) se si i mbijetoi Holokaustit.
