Ish-deputeti i PS në Korçë, Niko Faber, është ndarë nga jeta.
Lajmi i hidhur është konfirmuar nga miqtë politikanë të tij.
Raportohet se Faber ka ndërruar jetë si pasojë e një ataku kardiak.
“Një lajm i hidhur për vdekjen e papritur të ekspertit studiuesit dhe deputetit Niko Fabri.
Përherë i angazhuar për sfidat e bujqësisë dhe problemet specifike të zonës të tij elektorale.
Ngushëllime familjes, miqve dhe kolegëve. I paharruar! U prehtë në paqe! I qoftë i lehtë dheu i kësaj toke deputetit model, të dashurit Niko Faber! Arbeni”, shkruan ish-ministri i Financave Arben Malaj.
Kujtojmë se Faber ka përfaqësuar qarkun e Korçës për dy mandate deputeti rresht në Kuvendin e Shqipërisë.
