Është ndarë nga jeta në moshën 76-vjeçare fizikanit i njohur në mbarë botën Stephen Hawking. Ai ndërroi jetë në shtëpinë e tij në Kembrixh në orët e para të mëngjesit të sotëm, raporton BBC.
Lajmin e humbjes e ka dhënë familja e tij. Në një deklaratë, fëmijët e Hawking, Lucy, Robert dhe Tim kanë thanë: “Jemi të dëshpëruar për ndarjen nga jeta të babait tonë të dashur ditën e sotme. Ai ishte një shkencëtar i mrekullueshëm dhe një njeri i jashtëzakonshëm, puna dhe trashëgimia e të cilit do të jetojnë për shumë vite”.
Fizikanit, u bë i famshëm për teorinë e tij rreth mistereve të hapësirës, kohës dhe vrimave të zeza. Ndërkohe që libri i tij “Një histori e shkurtër e kohës” u bë bestseller ndërkombëtar.
Në moshën 22-vjeçare, atij iu dha vetëm pak vite jetë pasi u diagnostikua me një formë të rrallë të sëmundjes neurone motorike. Sëmundja e la atë në një karrige me rrota dhe nuk mund të fliste përveçse përmes një sintetizuesi zëri. Hawking ishte i pari që përcaktoi një teori të kozmologjisë si një bashkim relativiteti dhe mekanikë kuantike.
Nëpërmjet punës së tij me matematikanin Sir Roger Penrose ai tregoi se Teoria e Përgjithshme e Ajnshtajnit e Relativitetit nënkupton hapësirë dhe kohë e do të kishte një fillim në Big Bang dhe një fund në vrimat e zeza. Shkencëtari fitoi popullaritet jashtë botës akademike dhe u bë pjesë e skenari filmash.
Stephen Hawking lindi më 8 janar të vitit 1942 në Oksford, të Britanisë së Madhe. TIRANA TODAY
