Aktori amerikan Luke Perry është ndarë sot nga jeta, pas një hemorragjie cerebrale masive.
Perry fitoi popullaritet për interpretimin e rolit të pasanikut rebel Dylan McKay në filmin “Beverly Hills, 90210”.
Aktori ishte shtruar me urgjencë në spital të mërkurën e kaluar, por ndërroi jetë sot në moshën 52-vjeçare, i rrethuar nga familjarë dhe miq. Luke Perry ka interpretuar në një sërë filmash, si: “The Fifth Element”, “8 Seconds”, “American Strays”, si dhe filmat televiziv “Oz” e serialët “Ties That Bind” dhe “Body of Proof”.
