Sipas raportimeve të fundit, thuhet se futbollisti nuk jeton më me këngëtaren Shakira, gjë që nxit spekulimet për ndarjen e tyre, shkruan DailyMail.
“Është diçka serioze dhe ka qenë Shakira ajo që e ka marrë këtë vendim”, thoshte një burim për faqen spanjolle Cotilleo
Kjo temë mbi ndarjen e çiftit ka qenë më e përfolura brenda këtyre ditëve në mediat spanjolle dhe ato kolumbiane.
Çifti u pa së fundmi së bashku në Argjentinë në qershor, në dasmën e ish-bashkëlojëtarit të Barcelonës, Lionel Messi dhe Antonella Roccuzzos.
Shakira, e cila është 40 vjec ka dy djem me futbollistin 30 vjeçar: Milanin që është katër vjeç dhe dyvjeçarin Sasha.
Ndarja e raportuar vjen në mes të problemeve profesionale për Gerardin, i cili u ballafaqua nga tifozët kur ai doli për ekipin kombëtar spanjoll të hënën.
Reagimi negativ erdhi pasi sportisti i lindur në Barcelonë shkroi mbështetjen e tij për pavarësinë katalanase, pas referendumit të diskutueshëm këtë javë
Këngëtarja e hitit “Hips don’t lie” më parë vlerësonte te Pique faktin se ai ishte një prind i shkëlqyer, duke pretenduar se ai është ‘mbështetja më e madhe’ e saj kur është fjala për rritjen e fëmijëve të tyre.
Ajo tha “ ai është mbështetja ime më e madhe. Ne jemi të dy prindër shumë të dobishëm, kështu që kurrë nuk ndihemi sikur njëri mban të gjithë ngarkesën. Ai ndoshta i lejon fëmijët të kenë një çokollatë pak më shumë sesa do të doja” është shprehur këngëtarja.
Ndryshe, ata të dy nuk kanë dalë ende me një deklaratë zyrtare lidhur me këtë ngjarje.
