Nishi kthehet në arenën e përplasjes ndërmjet Shteteve të Bashkuara dhe Rusisë. Pikërisht në qytetin e jugut të Serbisë ku ndodhet qendra e spiunazhit të Moskës, Uashingtoni, me lejen e Beogradit ka sfiduar rusët duke nisur trajnimin e mjekëve ushtarakë të Irakut, shkruan B92.
Siç bën të ditur B92, NATO do të zhvillojë një kurs tre javor në Nish për Kapacitetin e Ndërtimit të Institucioneve në Irak.
NATO njoftoi se po stërvit ekspertë mjekësorë nga forcat e sigurimit të Irakut në Qendrën e Trajnimit Ushtarak të Logjistikës Serbe në qytetin jugor të Nishit.
“Kursi (tre javë) është zhvilluar brenda kuadrit të Iniciativës për Ndërtimin e Kapaciteteve të Mbrojtjes të NATO-s për Irakun”, tha aleanca ushtarake në faqen e saj elektronike dhe shtoi:
“Ajo është e fokusuar në zhvillimin e aftësive të vendosura për stabilizimin e traumave dhe evakuimin e viktimave të bazuara në terren për një grup specialistësh nga Ministria e Mbrojtjes e Irakut, Ministria e Brendshme dhe Shërbimi kundër Terrorizmit”.
NATO tha gjithashtu se kursi ishte “një vazhdim i një iniciative të mëparshme të kryer në Gjermani në nëntor”.
“Përveç trajnimit mjekësor ushtarak, NATO është duke trajnuar instruktorët nga forcat e sigurimit të Irakut në mirëmbajtjen e automjeteve të blinduara në epokën sovjetike dhe në luftën kundër mjeteve shpërthyese të improvizuara dhe në asgjësimin e armëve shpërthyese, duke ofruar gjithashtu mbështetje dhe këshilla në fusha të tjera, duke përfshirë bashkëpunimin civil-ushtarak, zhvillimin e institucioneve të sigurisë kombëtare dhe planifikimin e emergjencave civile për t’u marrë me emergjencat natyrore “, njoftoi aleanca ushtarake. Tirana Today
