Deputeti i Lëvizjes Socialiste për Integrim dhe njëherësh ish-ministri i Drejtësisë, Nasip Naço deklaroi se ai do të jetë pro autorizimit që i hap rrugë arrestimit të Saimir Tahirit. Ndërsa theksoi se askush nuk duhet të mbrohet nga imuniteti dhe i bëri thirrje grupit parlamentar të Partisë Socialiste që të mos mbrojë ish-ministrin e Brendshëm të dyshuar si i përfshirë në trafikun e drogës midis Shqipërisë dhe Italisë.
“Ne nuk duam të mbrohemi pas imunitetit, as zoti Tahiri nuk besoj se do të fshihet pas imunitetit. Unë jam deputet as prokuror dhe as gjykatës, por kam bindje që këta prokurorë nuk kanë interferenca politike. Organi i prokurorisë po punon në mënyrë profesionale. I bëj thirrje grupit të PS që të mos e mbrojë, por t’i hapë rrugë këtij procesi”,- tha ai.
