NASA uli sot në planetin Mars një tjetër sondë të quajtur InSight.
Sondës iu desh të përshkonte atmosferën marsiane brenda një kohe prej 7 minutash, që u quajt nga specialistët “shtatë minutat e tmerrit”.
Për NASA-n, kjo shënon uljen e tetë në Mars. Misioni dyvjeçar i sondës InSight ka filluar, dhe përfshin analizën e tërmeteve për të mësuar rreth botës së brendshme të planetit.
Të dhënat që ai do të mbledhë do të dërgohen në Tokë, ku do të studiohen nga shkencëtarët e NASA-s.
Në misionin “InSight” të NASA-s marrin pjesë edhe specialistë europianë: Gjermania është përgjegjëse për shpuesin mekanik të projektuar për të çarë pesë metra në thellësi të sipërfaqes së Marsit, për të marrë mostra dheu dhe për të matur temperaturën nëntokësore, ndërsa Franca menaxhon sizmometrin e instaluar në këmbët e robotit, që do të monitorojë tërmetet.
