NASA ka miratuar lëshimin në hapësirë, për në 27 maj, të dy astronautëve me një raketë SpaceX, drejt Stacionit Ndërkombëtar Hapësinor (ISS).
Kjo ngjarje shënon edhe një hap të rëndësishëm drejt shkëputjes nga varësia ruse që nga viti 2011.
“Të gjitha sistemet dhe nënsistemet janë vlerësuar dhe në fund ne i dhamë dritën jeshile”, tha Jim Bridenstine, kreu i NASA-s, gjatë një konference virtuale për shtyp.
Astronautët Robert Behnken dhe Douglas Hurley kanë qenë në karantinë të rreptë që nga 13 maji, por izolimi i tyre ka filluar që në mes të marsit. Ata janë testuar dy herë për koronavirusin e ri dhe thuhet se do të testohen sërish para nisjes.
Që nga ndalimi i anijeve hapësinore në vitin 2011, kjo do të jetë hera e parë që astronautët amerikanë nisen drejt hapësirës nga territori i SHBA-ve.
