Cristiano Ronaldo do të mbahet mend gjatë si transferimi më i bujshëm në histori. Pas 9 viteve të mrekullueshme ai kaloi nga Real Madrid tek Juventus duke i befasuar të gjithë, por në Napoli ai nuk është pritur aspak mirë.
Duket se tifozët janë mjaft të revoltuar me këtë transferim, pasi rivali i tyre kryesor është forcuar shumë dhe që ta mposhtin do të jetë mjaft e vështirë. Në të gjithë qytetin jugor italian kanë nisur shitjet e një letre higjienike që ka foton e sulmuesit me fanellën bardhezi.
Kjo nuk është hera e parë që në Napoli ndodh kjo gjë. Para dy vitesh, letrat higjienike shiteshin me fytyrën e Gonzalo Higuain, i cili la Napolin pikërisht për Juventusin.
