Elseid Hysaj është duke kaluar javët e tij të fundit si futbollist i gjigantit italian Napoli. Mbrojtësi shqiptar ka pasur një sezon me ulje dhe ngritje, duke qenë titullar, por edhe duke qëndruar një pjesë të mirë të ndeshjeve në bankën rezervë.
Marrëdhëniet jo të mira me trajnerin Carlo Ancelotti kanë bërë që shqiptari të mendojë largimin nga “San Paulo”. Napoli tanimë ka gjetur zëvendësuesin e tij, pasi ka arritur marrëveshje me mbrojtësin e Empolit, Giovanni Di Lorenzo.
Nënkampionët e Italisë janë gati ta lënë Hysajn të lirë të largohet dhe i kanë caktuar çmimin. La Gazzetta dello Sport raporton se Napoli do ta lërë të lirë vetëm nëse vije një ofertë prej 40 milionë euro.
Atletico Madrid mbetet skuadra më e interesuar për lojtarin, por Hysaj duhet të pres pak. Maurizio Sarri mund të emërohet trajner i Juventusit dhe në rast se një gjë e tillë ndodh, atëherë Hysaj do t’i bashkohej trajnerit italian në Allianz Stadium.
