Presidenti i Republikës, Ilir Meta ka reaguar për herë të parë pas deklaratave të bëra nga ish-kryeministri Fatos Nano.
Nga Shkodra, kreu i shtetit deklaroi se se nuk kishte asnjë koment për akuzat e Nanos.
Pyetje: ”Pse ju sulmoi Nano?’’
Ilir Meta: ”Nuk kam koment për zero ngjarje. Nuk kam asnjë koment dhe një herë tjetër për zero ngjarje për zero akuza.’’
Ndërkohë, i pyetur me insistim nga gazetarët nëse e sheh Nanon si pasardhësin e tij në Presidencë, Meta refuzoi sërish që të jepte një përgjigje, duke kërkuar anashkalimin e liderit historik të socialistëve.
Gjatë një interviste televizive, Nano e cilësoi Metën një njeri që i lë punët në mes dhe të vë stërkembëshat. Ai u shpreh se se Metës i ka dhënë mbështetjen më të madhe, por ai gjithmonë e kishte tradhtuar.
