Gjystina Grishaj, 54-vjeç është burrnesha e vetme në Malësinë e Kelmendit. Vendimi i Gjystinës për t’u bërë burrneshë erdhi në moshën 23-vjeçare.
Në kohët e mëparshme, shumë vajza bënin betimin e Burrneshës, kur kullat e tyre nuk kishin më meshkuj, por ky nuk duket të jetë rasti i 54-vjeçares nga Lëpusha.
“Na vdiq babai, më la vajzë, nëna mbeti vetëm dhe fëmijët duhet të rriteshin, vendosa të bëhesha burrneshë”, shprehet Gjystina Grishaj.
Ajo tregon se edhe pas këtij vendimi, të vishej, të sillej dhe të jetonte si një burrë nuk ishte e lehtë. I duhej të bindte fillimisht veten dhe më pas të tjerët se do ja dilte të jetonte si një burrneshë, e të mbante mbi shpinë të gjitha hallet e shtëpisë.
“Punë, punë, punë për shtëpinë, për nipëra”, shton ajo.
E pyetur nga gazetari i Top Channel nëse pas kaq shumë kohësh, a është bërë pishman për vendimin e marrë, ajo përgjigjet:
“Jo jo, kurrë nuk jam bërë pishman, kam qenë e vendosur e ashtu vazhdoj të jem”, përgjigjet Gjystina.
