Arsil dhe Sajmir Shera, dy vëllezërit që vranë taksistin Abdulla Budlla, kanë pranuar krimin. Ata janë shprehur se 71-vjeçari i kishte ngacmuar nënën dhe motrën, dhe kjo i ka shtyrë të ndërmarrin aktin e rëndë.
Dy autorët qëlluan me 7 plumba në drejtim të Abdulla Budllës, 71-vjeç, i cili punonte në të zezë si taksist në zonën e Prezës.
Sajmir Shera, 32-vjeç, ka qenë i dënuar më parë për ‘vrasje të kryer në bashkëpunim’, si dhe ‘armëmbajtje pa leje’.
Dyshimet e policisë janë se njëri prej tyre ka shkrepur armën, ndërsa tjetri ka qenë në rolin e shoferit, pasi ekzekutimi është bërë teksa automjeti ka qenë në ecje.
71-vjeçari, baba i 3 djemve dhe 1 vajze, u ekzekutua pasditen e 3 gushtit në zonën e Fushë-Prezës, në aksin që lidhet me Aeroportin e Rinasit. 7 plumba të dala nga automatiku i morën jetën taksistit që punonte në të zezë.
