Kryeministri Edi Rama i është përgjigjur sot një banori nga Staraveci i Dicjakës, i cili ankohet për kamatvonesat. Sipas tij, ai detyrohet të paguajë më shumë për shkak të energjisë së pompës së fshatit, që iu bë dhuratë për vaditje në vitin 2000, por që tashmë nuk punon më.
Komentuesi i thotë Ramës se populli e ka lakun në fyt, ndërsa e quan “Edvin Kristaq faqeziu” teksa e akuzon po ashtu se fshatarët nuk kanë treg për prodhimet e tyre.
As Rama nuk ka ngurruar t’i kthejë përgjigje, teksa i thotë se “ka një shok aty, deputetin Erjon Braçe që e informon për çdo problem në zonë”:
“Duke qenë se Brace nuk më ka informuar, dhe unë as e pyeta para kësaj përgjigjeje, duket se nuk ka qenë problem, pasi energjia paguhet dhe nuk merret ose vidhet. I shkreti në këtë mes je ti, pasi ia fut kot nga fillimi në fund”, i thotë mes të tjerash Rama.
